足球術語中讲波佬能够营造一种轻松而舒服嘅倾谈讲笑气氛；另一方面，「碧咸」、「朗拿度」呢啲叫法好听过「贝克汉姆」、「罗纳尔多」好多；但更主要嘅原因，重係妙趣横生嘅粤语足球术语。下面就尽列出嚟同各位“波迷”分享。

1、脚嘅动作
粤语用字分工明细，取字精巧，单单係踢波用到嘅脚部动作，就有超过十个：
踢：泛指以脚向球作用呢个动作，下面嘅所有脚部动作都係「踢」嘅一种。
射：将球向某个明确嘅目标踢踢过去，通常指射门。
噍：用力射门，係「射」嘅生动讲法。
铲：通常指救球时用脚阻止球前进，或改变球嘅前进方向。
掘：喺边/底线大力斩球入禁区嘅动作，如同用铲掘地嘅动作。
刮：有意踢球嘅底部，令球飞起。
兜：有「刮」嘅意思，亦指以脚背将球踢出。
省：指球打中某人或球以某人为目标踢出，力度比较大。
搓：用脚踩球使其前后左右来回转动以避开对方拦截。
擳：轻力将球弹畀自己队友。
斩：用力将球提出，通常指龙门开球大脚开出。
拉：用脚将球加旋转提出。
扯：一般指过头嘅横传，进攻时大范围转移时时用到。
逗：球到时（通常唔係地波），视乎需要用脚轻轻将球弹高一定高度，以避过对方拦或传球畀其他队友。

2、头部动作
踢波时七分脚三分头，对于某啲头叻过脚嘅球队，例如德国队、中国队（应该讲脚重屎过头），可能五分脚五分头添，所以头部动作都唔少：
顶：泛指用球对球嘅作用。通常比较正路嘅头锤动作都叫「顶」。
批：以一个唔同于球来向嘅力顶球，使球改变方向运动。而且「批」通常包含一个转头嘅动作，称为「狮子摇头」。
片：同「批」相似，只係以一个更薄嘅力嚟「批」。
跣：对飞嚟嘅球，用头轻轻加力，使其去到合适嘅位置。简而言之，就係用头传球。
凿：係「顶」嘅一种，指用额头将球顶向水平綫以下方向。

3、医院波：传唔到脚嘅波，令队友随时被人踢伤入医院。

4、收山脚：顾名思义，一脚收你皮。

5、炒芥兰：两隻脚炒埋一齐，即係撞埋一齐。

6、开汽水：观众“嘘”声四起，全场气氛就好似开汽水噉。

7、磨薑：响石地场射波时隻脚指畀地下刮亲。

8、地庄：指一支球队因有太多伤兵，喺冇得选择之下，只好连续场比赛用同一班球员上阵。

9、高章：技巧高超，令人意想不到。多数形容后防球员，喺对方紧迫下，又唔大脚解围，反而卖弄自己嘅脚法，结果畀对方偷去脚下球。

10、鱼生粥：仅熟，险胜（如1-0，2-1）。

11、底线传底：左/右底线斩中，中间冇人顶到个波飞到右/左底线或底线出波时唔够腰力，队友未能接应个波，个波已经坠番落底线。

12、球迷奇遇记：当众人以为大局已定时出现估唔到嘅赛果。

13、湿手巾：起势咁扭波。

14、叉烧：chance（原为排球术语）。

15、卖老抽：抽筋。

16、哨：球员不停走动，寻找机会。

17、痾蛋：守门员接波甩手，并从胯下将波漏入网。

18、牛油手——-龙门线手,经常接唔到波

19、弹琵琶：指龙门想抱住个波，不过抱唔实，球滑咗去两边。

20、暖水壶：战术一种，「暖水壶係噉滚」，即不断用高空球放至对方禁区务求「滚」得入球。

21、踩波车：球员唔小心踩到足球后失去平衡。

22、手榴弹：开边线球时大力将波掷入禁区。

23、插花：形容球员控球用脚左穿右插,避开对方拦截意图扭过对方，巴西前国脚丹尼臣就系插花高手。

24、蛾眉月：禁区对出既半月形位置。

25、三闸线：将球场平分为三分约略所得出嘅界线。

26、K角位：由龙门中央到大禁区角所形成的直线，因与底线成一K字，故得名。

27、挂网：射门够力，球顺住球网嘅弧綫而入。

28、破网：入球速度劲，差啲射到网都破埋。

29、搋波：队友之间不断来回传球。

30、红牌阿姑：球员食红牌。

31、铁卫：非常强悍硬朗尽责嘅中后卫。

32、财星：应容实力差表演差之球员容易令己方失球，而使下注对方之波盘得以赢钱。

33、球场黑洞：指球员差劣表现，每当队友传球到佢脚下都有去冇回，失去控球权，与真正黑洞无异。

34、执死鸡：形容入球补中，通常系己方首次试射未能入球，有球员于未有其他人作出反应时及时施射入球

35、推左走右：运球者将球踢向拦截者嘅一侧，自己却向另一侧走过，以图避开拦截者后再控返球。

36、通坑渠：带球或射门时，球穿过对方球员两脚之间。

37、入埋大细龙：形容入球穿过守门员两脚之间（细龙）及入龙门（大龙）；

38、脚指尾拉西：用脚外侧擦波，令球旋转飞出，详情请睇卡路士喺法国盃收死巴夫斯嗰球。

39、插水：扮嘢，多指球员扮作跌下搏取罚球，状似插水。

40、打飞机：指射门高出目标甚多，高到连飞机都可以打落嚟。

41、双鎗将：球员左右脚皆可熟练，左右拉弓，冇踢死一边。

42、单蹄马：指只识用左脚或右脚踢波嘅球员。

43、黄金右脚：形容球员右脚技巧了得。睇过《少林足球》者冇可能唔知呢个词。

44、生虫脚：形容因疏于练习，踢球嘅脚唔熟练

45、食煳：借词自麻雀，指入球。

46、食诈煳：入咗球却被判为无效。

47、窿对窿/交白卷：0比0。

48、风流波：因为目的已达到，任意而踢，争胜心唔大。

49、打假波：赛事结果受控制嘅比赛，并非公平竞赛。

50、送大礼：己方失误造就对方入球

51、波係圆既：以此说明球赛未到最后难定胜负，伍晃荣名句。

52、太公波：替国家队效力。

53、宴客：决胜时射12码唔入。

54、笠死/笠入：笠，lob之声译，解作皮球成抛物线越过球员头顶。

55、黄大仙：有求（球）必应。

56、炒波底：通常指射门时食唔应个波，踢左波底，其结果会系“打飞机”。

57、食波饼：指被去势凌厉之球击中，食波饼专指被扌省中面部。

58、单刀/半单刀：球员单人带波射入，语出三国演义第六十六回「关云长单刀赴会伏皇后为国捐躯」。

59、「担」位：迎顶高波时佔据咗对方球员嘅有利位置。

60、世界波：超靓入球，世界级水准

61、上身：指球员演出超水准（多指龙门），如有神助（神仙上身）。

62、撑龙舟：用头将波顶去后面

63、高q大棍：长传急攻战术

64、白头摩囉：当某位球员头部受伤流血，要用沙布包扎，好似印巴人士一样，就有此称呼

65、黑哨：执法受质疑之球证。

66、挂靴：挂起球靴，唔再踢球，指球员职业生涯完结

67、斩波：大脚传球

68、躂Q：来源于桌球，原指桌球杆打桌球时用唔到力，打唔正个波，Q谐音cue（球杆）。借到足球后，
形容交波或射球时脚不应球，使球受力不足或改变方向

69、慢流尾袋：本身亦系桌球术语，指桌球慢慢碌入尾袋。引入到足球后，指波慢速碌入球门死角，守门员却手长莫及，望球兴歎。

70、老窦带仔出街：大细（势）已去。虽然球赛未完，但落后一方已无翻身之力。

71、铜牆铁壁：形容后防稳健。

72、横刀夺爱：侧击偷袭对方。

The post 香港足球術語有哪些？給剛開始看球的你 first appeared on GAMEONE娛樂城.